Dosti Kya Hai? Woh Rishta Jo Hum Khud Chunte Hain ❤️
꧁ Digital Diary ༒ Wefru – India's Largest Writing Community ༒ Read, Write & Grow ༒꧂
꧁ Digital Diary ༒ Wefru – India's Largest Writing Community ༒ Read, Write & Grow ༒꧂
Scan QR code to visit our website
Zindagi mein bohot se rishte humein paidaishee milte hain-mata-pita, bhai-behen, rishtedaar. Lekin ek rishta aisa hota hai jise hum khud chunte hain, bina kisi shart aur bina kisi matlab ke-Dosti.
Sachi dosti sirf sath ghoomne ya photos khichwane ka naam nahi hai. Dosti toh woh ehsaas hai jo kehne se pehle dil ki baat samajh le.
Ek sachha dost aapki baatein bina kisi judgement ke sunta hai. Aap uske samne wahi ban sakte hain jo aap asliyat mein hain.
Khushi mein toh poori duniya sath hoti hai, lekin jo aapke sabse mushkil waqt mein bina bulaaye khada ho jaaye, wahi asli dost hai.
Jo aapki har haan mein haan milaaye woh dost nahi, lekin jo aapki galti par akele mein aapko samjhaaye aur sahi raasta dikhaaye, wahi sachha saathi hai.
Zindagi aage badhti hai, log busy ho jaate hain, jobs, family aur responsibilities aane lagti hain. Lekin sachi dosti ki khas baat yeh hai ki chahe kitne bhi mahine ya saal baat na ho, jab dubara milte hain toh lagta hi nahi ki waqt bita hai. Wahi purani hassi, wahi mazaak aur wahi comfort dubara laut aata hai.
"Dost woh nahi jo roz mile, dost toh woh hai jo jab bhi mile, waqt wahi thehar jaaye."
Agar aapke paas bhi koi aisa dost hai jo aapke har ache-bure waqt mein aapke sath khada raha hai, toh aaj hi use ek message karein aur shukriya kahein. Zindagi ki is bhaag-daud mein ache dosto ka hona kisi kismat se kam nahi hai.
Aapke liye dosti ka kya matlab hai? Apne sabse khaas dost ki ek achhi baat comment karke zaroor bataiye!
Verified Brand
We are accepting Guest Posting on our website for all categories.
Kakul Digital Content Writer
Verified Author Expert@DigitalDiaryWefru